ᓂᑐᐙᐱᐦᒋᑭᓐ ᐋᐦ ᐋᐱᑎᐦᒡ ᒥᒋᓐ ᐋᐦ ᓈᓈᑭᒋᔥᑖᑭᓂᐎᒡᐦ ᓰᐲᐦ ᐅᑖᐦ ᒉᐃᒥᔅ ᐯᐃᐦ
ᓂᑐᐙᐱᐦᒋᑭᓂᔨᐤ ᒑ ᒌᐦ ᐋᐱᒋᔥᑖᒡ ᐊᐙᓂᒌ ᐋᐦ ᐐᐦ ᒋᔅᒑᔨᐦᑎᐦᒡ ᐋᔅᐱᔨᔨᒡ ᓂᐲᔨᐤ ᐊᓂᑖᐦ ᓰᐲᐦᒡ ᑭᔮᐦ ᐋᑖᔨᐦᑖᑯᓂᔨᒡ ᐊᓂᑖᐦ ᒥᒋᓐ ᐙᐦᒋ ᒋᔅᒑᔨᐦᑯᐦᒡ ᐋᐦ ᓈᓈᑭᒋᔥᑖᑭᓂᐎᒡᐦ ᓰᐲᐦ ᐅᑖᐦ ᒉᐃᒥᔅ ᐯᐃᐦ᙮ ᐊᓐ ᒫᒃ 9 ᐋᐦ ᐄᑎᐦᑎᐦᒡᐦ ᐊᓂᑎᐦ ᐙᐦᒋ ᐐᐦ ᒋᔅᒑᔨᐦᑖᑯᐦᒡᐦ ᐋᔅᐱᔨᒡᐦ ᓰᐲᐦ ᑭᔮᐦ ᐋᑖᔨᐦᑖᑯᐦᒡᐦ, ᒦᓐ ᒥᔥᑎᐤ 4 ᐱᒥᐱᔨᐦᑖᐤ ᑯᐯᒃ ᐅᔅᑯᑎᒥᐦᒑᓯᐤ ᐅᑖᐦ ᐙᐱᓅᑖᐦᒡ ᐄᑖᐦᒑ ᒉᐃᒥᔅ ᐯᐃᐦ ᐐᓂᐹᑯᐦᒡ ᑭᔮᐦ ᐅᑖᐦ ᒌᐦ ᐄᔑ ᑎᑯᐦᑖᑭᓂᐤᐦ ᒉᐃᒥᔅ ᐯᐃᐦ ᑯᐯᒃ ᐅᔅᑯᑎᒥᒑᓰᓈᐦᒡ ᐋᐦ ᐅᐦᒋ ᓈᓈᑭᒋᔥᑖᑭᓂᐎᒡᐦ ᓰᐲᐦ: ᐆ ᐙᐦᑖᑯᐦᒡ ᐊᓅᐦᒡ ᓂᒥᔮᐤ ᒫᒀᒡ ᐋᔑᓈᑯᐦᒡ ᐙᔥ ᐋᔑᑯᒥᑎᐎᔥᑖᐤᐦ ᐋᐦᒋᐱᔨᐤ ᐋᔅᐱᔨᒡ ᐊᓐ ᓂᐲ ᐅᑖᐦ ᓰᐲᐦᒡ ᑭᔮᐦ ᒥᓯᓂᐦᐄᑭᓂᐆ᙮ᒫᐦᒋᒡ ᑳ ᐋᐦᒋᔥᑖᑭᓂᐎᒡ 2025-04-23 07:55:00
ᑖᐦᑭᐦᐋᒥᓈ ᐅᑎᐦ ᐋᑯᑎᐦ ᒑ ᒌᐦ ᐙᐱᐦᑎᒥᓐ ᐊᓐ ᐙᐦ ᒋᔅᒑᔨᐦᑎᒥᓐ!
ᒑ ᓈᓂᑎᐙᐱᐦᑎᒥᓐ ᐊᓂᑎᐦ ᐋᑎ ᐃᔨᐦᑎᑯᐦᒡ ᐊᓂᑎᐦ ᐙᐦ ᐅᐦᒋ ᐐᓈᓂᑑᒋᔅᒑᔨᐦᑖᑯᐦᒡᐦ ᐋᔅᐱᔨᒡᐦ ᓰᐲᐦ ᐊᓂᑎᐦ ᒫᓯᓈᑖᒡᐦ ᐊᔅᒌᐅᓯᓂᐦᐄᑭᓂᐦᒡ ᐅᑖᐦ ᓂᒥᐦᒌᐎᓂᐦᒡ ᐄᑖᐦᒑ᙮ ᒑ ᒌᐦᑳᓈᑯᐦᑖᔨᓐ ᑭᔮᐦ ᒑ ᐋᐦᑎᓂᒥᓐ ᐊᓐ ᑎᔮᐦᑭᐦᐋᒥᓐ ᒑ ᒌᐦ ᐙᐱᐦᑎᒥᓐ ᐅᑖᐦ ᐊᑎᒫᐲᓯᒻ ᑭᔮᐦ ᒑ ᑖᐦᑭᐦᐋᒥᓐ ᐊᓐ ᐋᐦ ᐙᐅᔮᔑᓈᑖᔑᒡ ᐋᐦ ᐊᑎᐦᑖᐅᓈᑯᐦᒡ ᒑ ᒌᐦ ᐙᐱᐦᑎᒥᓐ ᐋᔑᓂᐦᑳᑖᒡ ᐊᓐ ᓰᐲ ᐊᓂᑎᐦ ᐋᑎ ᐃᔨᐦᑎᑯᐦᒡᐦ ᐊᓂᐦᐄ ᐋᓈᑎᒨ ᑳ ᐱᒋᔅᑎᓂᑭᓂᐎᒡᐦ᙮
ᐐᐦ ᐙᐱᐦᑎᒥᓈ ᑳ ᐄᔑ ᒥᔅᑭᐙᐦᑖᐦᒑᐱᔨᒡ ᐊᓂᑎᐦ ᐋᐦ ᒌᐦ ᐱᒋᔅᑎᓂᑭᓂᐎᒡ ᐋᓈᑎᒨ ᐊᓐ ᒑᒀᓐ ᒑ ᒌᐦ ᐅᐦᒋ ᒋᔅᒑᔨᐦᑖᑯᐦᒡ, ᒑ ᑖᐦᑭᐦᐋᒥᓐ ᐊᓐ ᓰᐲ ᐊᓂᑎᐦ ᐄᔥᐱᒥᐦᒡ ᒫᓯᓈᑖᒡ᙮ᓈᑖᒡ᙮
ᓃᔓ ᒋᑭ ᓅᑯᓐᐦ, ᐊᓐ ᐄᔥᐱᒥᐦᒡ ᒫᓯᓈᑖᒡ ᐋᑯᑎᐦ ᐙᐦᑖᑯᐦᒡ ᐋᔥᐱᔑ ᐲᒥᐱᔨᒡ ᓂᐲ ᐋᔑᑯᒥᑳᔑᑳᐦ (ᐋᐦ ᑭᓂᐙᐱᐦᑎᑭᓂᐎᒡ ᐋᔥᐱᔑ ᐱᒥᒋᐎᐦᒡ ᐹᔨᒄ ᓭᑭᓐ ᐄᔥᐱᔥ), ᐊᓐ ᓃᐦᑖᐦᒡ ᐋᑯᑎᐦ ᐙᐦᑖᑯᐦᒡ ᐊᓐ ᐅᓵ ᐋᔥᐱᔑ ᑎᐦᒋᑭᒥᒡ (ᓭᓪᓯᔨᔅ ᐋᐦ ᐋᐱᑎᒡ) ᐊᓐ ᐹᔨᒀᐤ ᐋᐦ ᒌᔑᑳᒡ ᐊᔑᑯᒥᒌᔑᑳᐤᐦ᙮
ᐆ ᒫᒃ ᓃᔓ ᒑᒀᓐ ᐋᔑ ᒥᓯᓈᑖᒡ ᓃᐦᑖᐦᒡ ᐋᑯᑎᐦ ᒑ ᒌᐦ ᐎᔮᔨᐦᑎᒥᓐ ᐊᓐ ᐋᔥᐱᔑᐱᔨᑦ ᐲᓯᒧᐦᑳᓐ ᐙᐦ ᓅᑯᐦᑖᔨᓐ ᑭᔮᐦ ᒫᓯᓈᑖᒡ ᐊᓐ ᐙᐦ ᒋᔅᒑᔨᐦᑎᒥᓐ᙮ ᐋᑯᑎᐦ ᒑ ᑖᐦᑭᐦᐋᒥᓐ ᑭᔮᐦ ᒑ ᒌᐦ ᐋᐦᒋᐱᔨᐦᑖᔨᓐ ᐊᓐ ᑳ ᐙᐹᒡᐦ ᐋᐦ ᐹᐹᓯᓈᑖᒡ ᐅᑖᐦ ᒋᓂᐦᐄᐎᓂᐦᒡ ᐄᑖᐦᒑ ᑭᔮᐦ ᐅᑖᐦ ᒋᓂᒥᐦᒌᐎᓂᐦᒡ ᐄᑖᐦᒑ ᐊᓐ ᐋᔥᐱᔑᐱᔨᑦ ᐲᓯᒧᐦᑳᓐ ᐙᐦ ᐙᐱᐦᑎᒥᓐ᙮
ᓂᑐᐙᐱᐦᒋᑭᓂᐦᒡ ᒋᑭ ᒌᐦ ᐋᐦᒋᐱᔨᐦᑖᓐ ᐊᓐ ᐙᐦ ᐙᐱᐦᑎᒥᓐ ᐋᔥᐱᔑ ᓲᐦᒋᒋᐎᐦᒡ ᓰᐲ ᑭᔮᐦ ᐊᓂᔮ ᑳ ᐄᔥᐱᔑᐱᔨᑦ ᐲᓯᒧᐦᑳᓐ ᑭᔮᐦ ᑳ ᑎᐦᑐᒌᓯᐦᒀᓯᑦ, ᒑ ᓅᑯᐦᒡ ᐊᓂᑎᐦ ᐋᐦ ᑭᒌᐦᒑᔮᒡ ᑖᐦᑖᔮᐱᔥᑯᓐ ᐋᐦ ᐄᔑ ᐊᑎᐦᑖᐅᓈᑯᐦᒡ ᐊᓐ ᐋᐦ ᐹᐦᐹᓯᓈᑖᒡ᙮
\(~\)